Sogelaget

Tysdag 24. mars kl. 19:00 inviterer me til medlemskveld i Sogelaget.

I Voss Sparebank sine lokale vil det verte føredrag om kunstnaren Leif Gjerme og hans liv og arbeid. 

Laurdag 13. oktober skipa Voss sogelag tur til Sigmund Gjernes sine flotte samlingar av post, butikk og jernbane heime på Vethe

Mange møtte opp denne dagen! 

I 2021 hadde Voss sogelag lågterskeltur til den gamle saga. I etterkant tok sogelagsmedlemene Sigbjørn Rognebakke, Jan-Egil Mandelid og Gunnar Hemre Ringheim kontakt med Voss herad om å ta vare på den gamle oppgangssaga på Palmafossen. Det var nemleg planar om å rive saga og bygge parkeringsplass på tomta. 

Heradet nekta riving, gjorde i staden klart at området er verneverdig og tok det inn i planen for vern av kulturminne. Hausten 2023 fekk ein i stand ei synfaring. 

Osafestivalen inviterte alle medlemslaga i Hordaland sogelag til framsyninga «Hustveit. Ei litterær-musikalsk utvandringshistorie» sundag 26. oktober 18.00 i Voss idrettshall. Framsyninga var ein del av Osafestivalen 2025.

Voss sogelag inviterer alle interesserte til møte om arbeidet som er i gang med å få GPS registrert kongevegen i Voss herad og Vaksdal kommune

Møtet vil finne stad mandag 26. januar 2026 kl. 18:00 i tinghuset

Me vil orientera om arbeidet så langt og vidare plan 

Håpar Du har lyst å vere med !!

Venleg helsing 

arbeidsgruppa ved Ingvill Knapstad Bidne

Voss sogelag skipar til to såkalla lågterskelturar i haust. Den første går laurdag 11. oktober. Då går turen til Vethe på Bulken. Det skal me besøkja Sigmund Gjernes og sjå dei fantastiske samlingane i løa hans. Han har bygt opp ei flott postsamling. Samlinga inneheld unike effektar frå posten si lange historie, alt frå gamle posthorn og uniformar til postsekker og frimerke, alt har si historie.

I eit anna rom finn me NSB utstilling. Her vil få sjå og oppleva ei reise gjennom gode gamle NSB si historie. Det må berre opplevast.

Sist men ikkje minst, får vi sjå landhandelen/krambua Sigmund har laga inne på låven. Det er som å koma inn i ei anna tid, før tida med handlevogner og sjølvbetjening. Her får me sjå alt slik det ein gong var på krambua. Bak disken står sjølvsagt Sigmund og fortel om samlinga si. Nytta høve til å oppleva fortida i løa til Sigmund Gjernes laurdag 11. oktober.

Den andre turen i haust, vert framhald frå i fjor haust då sogelaget arrangerte rusletur på Vangen. Gunnar Hemre Ringheim fortalde då om «Gamle Vangen» Den gong var det Vangen vest, frå stasjonen og innover til området rundt Voss Ungdomshall han tok føre seg.
Sundag 12. oktober vert det ny rusletur. Denne gongen vil Gunnar Hemre Ringheim ta for seg austre delen av Gamle Vangen, det vil seia frå Ungdomshallen og innover mot Langabrua. Få kjenner Gamle Vangen som han. Me får ei grundig innføring av korleis Vangen var før det meste vart lagt i grus under bombinga i slutten av april 1940. Set av nokre timar sundag 12. oktober og nytta høve til å høyra Gunnar Hemre Ringheim fortelja mykje god historie.
Turane er opne for alle!