Voss Sogelag og Voss Utferdslag skipar til tur til garden Hustveit sundag 1. juni
Oppe på garden vil medlemer frå stiftinga Hustveitgarden ha omvisning i dei flotte bygga, og fortelja om historia til Hustveitgarden, som er under rehabilitering.
Voss sin fyrste ordførar, David Larsson Hustveit, vaks opp og budde her. Han var ordførar i 1837–1841 og 1850–1857
På tunet står fire bygg; Gamlestova - truleg frå 1600 talet, Nyestova - frå 1926, Bualoftet og løa. I tillegg er det eit sel på stølen Helset.
Voss kommune fekk garden i gåve i 1952.
«Hustveitgarden venelag» vart skipa i 2016 for å berga garden og hausten 2017 vart «Stiftinga Hustveitgarden» etablert.
I 2018 fekk stiftinga skøyte og konsesjon til å overta heile garden og sidan har det kvar år blitt gjort mykje arbeid på garden.
Parkering vert ved Vetlavatnet og turen startar frå Leidalsbrua kl. 13:00.