Ygre
Gardsnummer/Farm No. 112 i Voss.
Kjelde/Source : Vossaboki, Band 3, side/page 207-220
Vossaboka, Band IIII, side/page 238-278
Husmenn :
Husmannsplass var der ikkje i 1701 eller 1723.
Husmannskona Anna Mikkjelsdr. døydde på Ygre 1759 og hadde stykdotteri Kari Erlingsdr.
Anna hadde før budt på Istòbødn.
Sjur Hollgeirson Kvarakvål f. 1698, g. m. Bryttva Larsdr., døydde 1774 som husmann på Ygresbødn, som var ovanfor og innanfor der stasjonen no er. Dei dreiv ikkje so lite med ulovlegt ølsal både medan Sjur levde og seinare, og det var ofte klagemål over at det var slikt oppstyr der.
Ho Bryttva vart stemnd til tings i 1775, for ulovleg «krohold». Lensmannen hadde teke omlag 23 kannor øl à 6 skill. frå henne. Vitni fortalde at det var mykje drikking i huset åt enkja med kortspel og annan uorden. Bryttva vart dømd til å bøta 20 rd. og 3 rd. i sakskostnad. Sjur var fyrr husmann på Osgjerd. Fire born: Hollgeir, g. 1758 m. Synneva Knutsdr. Nedre Vinjo, Gjøa, g. 1755 m. Nils Henrikson Helleve, Sigtru f. 1742 og Anna f. 1749.
Anders Nilsson f. 1751, g. m. Brita Larsdr. var husmann i 1701 på bruk 3 og hadde då borni Nils 14, Lars 9 og Mikkjel 6 år gamle. På bruk 1 budde to husmannsenkjor Ragnhild Larsdr. f. 1740 og Atla Larsdr. f. 1743. Alle desse husmannsfolki i 1701 fekk fatighjelp. Lars Knutson, g. m. Barbrå Hollgeirsdr. hadde plass ikr. 1780. Lars Mikkjelson budde i Ygresteigen, var med i krigen mot Sverike og døydde på eit sjukehus.
Johan Knutson f. 1819, g. m. Ingerid Olavsdr. f. 1816 hadde Johannesplasset på bruk 1 tett attmed Katturæ. Han var kvækar, las mykje, var god til å rekna, arbeidde plasset godt upp og dyrka fleire slag hagevokstrar. Han fylgde godt med i det som gjekk for seg. Sundagane kom grannane til han for å høyra kva Johan hadde å fortelja. Almanakken studerte han mykje i og sa sume tider kva ver som var i vente. Johan døydde 1892 utan born.
Mikkjel Anderson f. 1794, g. 1829 m. Ingjerd Samsonsdr. hadde plass i Ygresteigen frå 1830-åri. Plasset låg millom Brurestolen og Fenno og er no bruk 11 og 15. Ho Ingjerd døydde 1878. Mikkjel vart då sagd opp frå plasset og han døydde 1884. Det er no bruk 11. Dei fekk borni Brita f. 1830, Guri f. 1833, Gjertrud f. 1840 og Anders f. 1841 som var smed.
Eirik Larsson, g. m. Brita Monsdr. var plassfolk i 1850-åri. Sjur Monsson f. 1817 var g. 1. 1866 m. Anna Knutsdr. Fenno, 2. 1885 m. Anna Arnesdr. Hove f. 1853. Han hadde stove på Ygreshaugen og arbeidde mykje med selar, salar, skreppor og setlabøker. Han hadde mist eine foten, gjekk sidan med ein trestav til fot. Han døydde 1898.