Peshandlar H. O. Tvedt er avliden, 82 år gamal.
Han var født i Simadalen i Eidfjord og reiste 19 år gamal til Amerika og var der i mange år.
Fleire gonger var han heimatt, so han reiste over Atlanteren 6 gonger kvar veg.
I åri 1898-1901 var han i Klondyke. Fyrste tidi dreiv han med gullgraving.
Sidan hadde han forretning i Dawson og kjøpte m.a. pelsskinn av indianarane. Siste åri han var i Amerika dreiv han forretning i Montana.
Då han var komen heimatt til Noreg for godt, var han i fleire sumrar portier på Fleischers hotell.
I 1917 kjøpte han hus på Gjernes og dreiv sidan handel med pelsskinn. Han hadde vore på so å segja alle marknader i Sud-Noreg. Han var òg til Troms og kjøpte pelsskinn av fangstmenn som kom frå Bjørnøya og Svalbard.
Tvedt var glad i Viddi og var ihuga fjellmann og fiskar. Han hadde hytte i Isdalen i Eidfjord og var der ein tur kvar sumar.
Kjelde : Avisa Hordaland 19/5-1948