Gullbrudlaup.
Johan og Olina Årrestad høgtider gullbrudlaup jolaftan i heimen til dotteri,
Agnes Quanbeck i Billings, Montana.
Olina er frå Voss, fødd Haga, ho reiste til Amerika i 16 årsalderen.
Der gifte ho seg med Johan Arrestad frå Jæren. Dei reiste til Noreg og var her ei tid.
Dotteri Agnes er fødd her, dei to sønene er fødde i Amerika. Alle har gode stillingar der. Gullbrudeparet har fleire gonger vore på vitjing i Noreg, og då alltid til Voss. No sist sumar var dotterdotter deira på tur til Noreg. Etterpå reiste ho til Afrika som lærar for afrikanske born.
Familien Årrestad er interessert med i kyrkje- og misjonsarbeid.
Me ynskjer hjarteleg til lukke !
Kjelde : Avisa Hordaland 16/12-1951